घाइते हुँदै नेमारले मैदान छाडे, पिएसजीलाई तनाव
0
Shares

0

काठमाडौँः फ्रान्सेली लिग वान फुटबल प्रतियोगिता अन्तरगत आइतवार राति भएको मार्सिल्लेविरुद्धको खेलमा प्रमुख स्ट्राइकर नेमार घाइते भएपछि पेरिस सेन्ट जर्मेनलाई तनाव भएको छ ।

मार्सिल्लेविरुद्धको खेलमा एकपक्षीय ३–० को नतिजा निकाले पनि कुर्कुच्चको चोट बोक्दै नेमार स्टे«क्चरमा बोकिएर नेमारले मैदान छाडेपछि पिएसजी अफ्ठेरोमा परेको हो ।

खेलको ८० औँ मिनेटमा पीडासहित नेमार मैदानम ढलेका थिए । त्यसपछि उनलाई स्वास्थ्यकर्मीको टोलीले स्ट्रेक्चरमा राखेर मैदान बाहिर लगेको थियो ।
नेमार घाइते भएपछि रियल मड्रिडविरुद्धको च्याम्पियन्स लिगको अन्तिम १६ को खेल गुमाउने सम्भावना बढेको छ । पहिलो लेगको नतिजा ३–१ ले रियललाई सुम्पेको पिएसजीले मार्च ७ मा हुने दोस्रो लेगमा खेल उल्ट्याउन कम्तिमा पनि ३–० को जित निकाल्नुपर्ने बाध्यता छ । यस्तो अवस्थामा नेमार घाइते भएपछि पिएसजीमाथि दबाब बढेको हो ।

नेमार घाइते भए पनि पिएसजीले मार्सिल्लेविरुद्धको खेलमा सहज जित निकाल्यो । उसका लागि किलियन एमपीपी र एडिनसन काभानीले एक एक गोल गरे । अर्को गोल भने पिएसजीले मार्सिल्लेबाट आत्मघाती उपहार पायो ।



यसमा तपाईको मत